安省省長韋因。加通社資料圖。
據A1中文電台：聯邦政府同各省達成增加加拿大退休金CPP既供款協議後，省長韋因今朝表示，安省毋須再度另起爐灶。但暫時未知取消安省策劃中既安省退休金計劃涉及幾多錢。
韋因表示，聯邦政府依家同各省份達成擴大加拿大退休金計劃既協議，令到安省無必要，再自行成立新既退休金計劃。但係韋因表示，暫時未知取消安省呢個策劃中既退休金，會涉及幾多錢，但佢認為，就算安省既退休金計劃胎死腹中，都係物有所值，因為如果冇安省既呢個行動，就未必會迫使到聯邦政府同各省份達成呢個協議。
韋因表示，省府依家計算緊取消安省退休金計劃既開支，到時會公開數字。但佢表明，最大筆錢仲未洗，呢筆錢涉及成立管理退休金計劃既機構。
安省自由黨喺省選時承諾，要加強安省既退休金。
聯邦政府同大部份省份喺尋晚達成協議，增加加拿大退休金既供款，年薪平均5萬5千蚊既國民及僱主，喺2019年開始，每個月要供多七蚊，呢筆額外供款去到2023年個陣，就會增加到每個月34蚊。
省長韋因今朝只係話, 如果唔係安省話要推出自己的退休金計劃, 都唔會迫使聯邦同各省有新協議.
因此韋因話, 省府之前為可能推出安省退休金計劃的花費, 都係值得.
韋因拒絶交待安省用左幾多錢去籌備一個現在無需要的退休金計劃
只係話, 除左魁省及緬省之外, 渥太華同各省達成的協議, 會向安省工人提供多三份之二的福利, 預計 2019 開始.
改革協議後，預計安省無須有自己的退休金計劃. 省長無交待籌備費用左幾多.
C03