陳瀅近日於TVB台慶劇《美麗戰場》擔正做女主角，演技獲讚更被網民指是視后熱門人馬。早前於台慶55周年亮燈記者會中，陳瀅拍大合照時被安排站在藝員首行的中間位置，被解讀為備受TVB力捧。而日前陳瀅於網上節目《月傾會》中接受林柏希訪問，對於能否爭贏視后抱隨緣心態，「我知道葉念琛導演好想我攞（視后），佢仲想過我自己，所以我都同佢講，唔好俾咁多壓力我，我覺得隨緣啦！」
至於被問到入行以來有否遇過感到委屈的事，陳瀅自爆曾遭女藝人向高層「篤背脊」，陳瀅表示：「佢上咗某個阿姐（高層）嘅房，喊晒咁話，我唔明點解要俾佢（演某劇集）囉，我喺度咁辛苦咁多年，佢又唔係咁好喎，聽講佢又成日遲到啦，佢又呢樣嗰樣……」篤背脊行為傳返落陳瀅耳中，「一定係聽返返嚟，我覺得好多人都好錫我，知道真正嘅我係點樣！」
陳瀅日前於網上節目《月傾會》中接受林柏希訪問。
陳瀅近日於TVB台慶劇《美麗戰場》擔正做女主角。
陳瀅於TVB台慶劇《美麗戰場》演技獲讚更被網民指是視后熱門人馬。
陳瀅對於能否爭贏視后抱隨緣心態。
葉念琛好想陳瀅贏視后。
陳瀅為備受TVB力捧。
陳瀅自爆曾遭女藝人向高層「篤背脊」。
陳瀅被TVB力捧，似乎招來不少同事妒忌。
陳瀅主演《美麗戰場》諗起前男友。
陳瀅首次與葉念琛導演合作。
陳瀅曾拍被摑戲份感到委屈：「真係打咗好多次，不必要嘅多次！有一次因為嗰個男演員比較新，導演話照打落去啦，當時我亦都係好新，我拍一巴戲，好似打咗我十幾廿巴，打到最後嗰幾巴，我忍唔住真係好委屈，好想喊，因為真係好痛！最後都係俾人剪走咗，我最唔開心係俾人剪走咗成段戲！」
陳瀅坦言主演《美麗戰場》，由16歲演到40歲的確有難度，演落就明白葉念琛選她出演的原因。
陳瀅指角色與她本人很多經歷有些相似。
陳瀅近日於TVB台慶劇《美麗戰場》擔正做女主角，演技獲讚更被網民指是視后熱門人馬。
陳瀅被葉念琛導演睇好拎視后。
陳瀅想揀朱敏瀚做「一夜情對象」。
陳瀅最想揀周嘉洛做「男朋友」，因為對方多嘢講又有活力。
陳瀅最想揀羅天宇做「老公」，大讚對方專一。
陳瀅派好人卡畀方力申，話對方好好，但唔啱做老公，認為對方好大男人。
主演《美麗戰場》諗起前男友
陳瀅坦言主演《美麗戰場》，由16歲演到40歲的確有難度，演落就明白葉念琛選她出演的原因，「因為有好多經歷真係有啲似，我好記得我同Aska（張馳豪），Aska就係鍾家寶初戀，我同佢嗰段關係，令我諗起我同我之前個男朋友一啲經歷，同埋我哋嗌交嘅一啲位，似到我會打冷震！」不過她亦自爆戲外會故意跟Aska保持距離，全因怕傳出緋聞，又慶幸這次拍劇沒有傳出緋聞，大讚自己叻女。
出道以來，陳瀅緋聞不斷，方力申、周嘉洛、羅天宇、溫家偉、余德丞、陳家樂及黃宗澤等都是她的緋聞對象。節目中，林柏希向陳瀅提出難題，要她在一眾緋聞男友中選擇「一夜情對象」、「老公」及「男朋友」，但陳瀅選擇的「一夜情對象」竟不是緋聞男友，「一定係朱敏瀚，因為佢呢排真係操得好Fit。男朋友我應該會揀周嘉洛，因為佢有好多話題、好多嘢講，同埋好調皮，即係佢好有活力。老公我會揀羅天宇，因為結咗婚要make sure呢個（對象）係一世，佢又係好專一、好乖，同埋我好容易知道佢諗緊啲咩。」但最後亦解釋不選擇方力申做老公的原因，事關覺得對方是水瓶座，會好大男人。
