38歲無線電視藝人姚子羚去年3月跟男友「的士邦」鄭子邦分手後，一直未聞有新戀情，最近卻被香港媒體爆出新聞，指她與夜店Dragon-i已婚董事Raymond Young秘密拍拖8個月，報道並登有與Raymond Young一起的床照，照片顯示姚子羚和衣熟睡，旁邊裸著上身的男子正是Raymond Young。
而男方的混血模特兒妻蔡宛珊（Saraki）亦為藝人，跟姚子羚更是認識。據報男方還另有一名圈外二奶，因此姚子羚被指陷入四角關係。
姚子羚於香港時間周日傍晚時份回電視台拍劇，向在場記者澄清說：「首先我想講，我認識Raymond(上圖)，同佢交往時，佢同Sarika已經分咗手一段時間，到現時為止佢哋應該分開咗兩年；我同Sarika係相識，佢亦知我當時我係同Raymond交往過。（即係依家分咗手？）我哋目前係普通朋友關係。（咩原因分手？）細節亦唔想再去講，總之依家關係對大家都係最舒服。」
對被指介入別人婚姻，姚子羚再澄清：「我相識佢時，佢同Sarika已分開咗，到現時已兩年。」
問到二人親密照流出有否懷疑甚麼人會這樣做？姚子羚坦言：「有嘅，但目前唔想深究啲相點流出嚟，只係覺得好驚訝兩個人一啲照片會在外間流出去，我都覺得係一件好驚訝事，但都冇去諗點解會有。（有幾多人有呢啲相？）唔應該問我，一啲合照我係有。（床照呢？）我冇，床照係我唔知。（只一個人有？）如我覺得好過份行為，我會同公司商量點處理，睇點打算。」
問到是否遇人不熟？姚子羚說：「要講都講晒，都澄清咗。（有冇好嬲？）嬲係未有時間。（擔心有更激相或短片流出？）呢個我唔知，當然我諗我相信我自己嘅嘢，但目前最緊要想澄清番，我同Raymond相識時，佢同Sarika已分開。」
至於工作方面有否受事件影響？姚子羚說：「依家拍緊劇，目前做好演員本份，亦冇收任何通知，都係做返演員職責，專心工作，其他嘢唔重要，亦放低，對感情我係認真嘅女仔，想感情關係好簡單。」她坦言就這件事有跟Raymond聯絡，問到對方反應？有否道歉？她說要問回當事人，隨即趕入廠以為理由，結束約6分鐘的訪問。
Raymond Young前妻蔡宛珊(上圖)其後接受傳媒訪問時表示，與前夫2017年1月分居，今年1月正式離婚。她對床照流出亦感到驚訝，不知為何會曝光。蔡宛珊亦無詳細透露與前夫分開原因，她承認言認識姚子羚，但只是朋友介紹的朋友，不算十分密切。關於前夫的緋聞牽連自己，她說現在只會專心工作，不會理別人的感情事。
(資料圖片) T01.