［星島綜合報道]一對加拿大小夫妻帶著八歲女兒，計劃邊遙距工作邊駕帆船環遊世界，卻在本周早前夢碎巴哈馬。船隻在強風中偏離航道，撞上珊瑚礁擱淺，最終靠美國海岸防衛隊直升機驚險救回。
當時，Tony Bryant、Krista Scholl和女兒Adelaide已登上救生筏，海浪猛烈拍打著船身，三人不斷發出求救信號。Bryant回憶說：「我一世都唔會忘記，當我個女望住我問：『爸爸，我哋係咪要死？』我答：『今晚唔會，寶貝，今晚唔會死。』」
這家人為這次航行籌備多年，自行維修帆船「Mischief」至可航行狀態。「我哋喺多倫多打滾咗九年，終於可以離開老鼠競賽生活，開展旅程，」Scholl說。2023年起，他們住在船上，從安大略湖出發，經聖羅倫斯河南下美國大西洋沿岸。他們一邊在船上工作，一邊在Instagram記錄生活（帳號@sailingfamilymischief）。
「每個地方都唔同，有次船頭附近有海豚跳出嚟，我哋就即場教女學海豚知識，」Bryant說。
周日，他們從巴哈馬Acklins Island出發，計劃駛往Mayaguana Island的Betsy Bay，最終目的地是多明尼加。豈料駛至Plana Cays南部時逆風而行，改變方向後竟被吹返北，水深瞬間從500呎驟降至100，再急降至5呎。
六呎龍骨的Mischief觸礁擱淺，嘗試自救失敗後開始入水，三人緊急放下救生筏，把女兒先安置入內。水湧入太快，已無法拿回物資。Bryant即時下錨，把救生筏繫於船上，並以手提無線電發出求救訊號。
當時他們未知，附近一艘船接收到訊號並通知美國海岸防衛隊。當直升機靠近時，他們以照明火焰彈標示位置。「聽到直升機聲音，我一世都唔會忘記，」Scholl說。
防衛隊拍攝的片段顯示，一名救援人員由直升機降落，協助三人進入吊籃被救起。「我哋死攬住個女，佢應該好驚，四圍都係噪音、水花飛濺。對我嚟講，嗰一刻係可以鬆口氣，終於安全咗，」Scholl說。
現時他們獲巴哈馬當地居民收留，獲贈食物及衣物。可惜船上所有財物、證件連同船隻一同沉入大海。「而家最大問題係點樣補返身份證明，冇護照、出生紙就無法返加拿大，」Bryant說。
一家人現已發起GoFundMe眾籌，希望籌得資金支付當地開支及回國費用。至於會否再嘗試「船居生活」，他們仍未決定。「呢幾年船就係我哋嘅屋企，我哋愛上咗海上社群，未諗到返陸地會係點。不過Mischief應該救唔返，可能將來會有另一隻新Mischief。」Scholl說。
(圖：CTV News)T10
